அறநிலையாத்துறை அக்கிரமம்

ஒரு கிராமத்தில் விவசாயியும் அவர் மனைவியும் வாழ்கிறார்கள். அவர்களுக்கு பல குழந்தைகள். அவர் தன் நிலத்தில் ஒரு பகுதியில் தனது இஷ்ட/குல தெய்வத்தை வைத்து வணங்குகிறார். அவர் காலம் சென்ற பின்னர் அவரின் வாரிசுகளும் அதே கோயிலை வணங்கி வருகிறார்கள். அனைத்து சகோதரர்களின் பங்களிப்போடு கோயில் பெரிதாக கட்டி, அதன் நிர்வாகத்துக்கு தாங்கள் பாடுபட்ட பணத்தில் வரியாக, வேண்டுதலாக, தானமாக என்று சொத்துக்கள் வாங்கப்படுகின்றன. சில தலைமுறைகள் கடக்கின்றன. இவர்களின் முப்பாட்டன் கோயில் எனவே, யாரும் இதை ஆவணப்படுத்தவோ, பிரித்துகொள்ளவோ இல்லை. கோயிலின்பால் அக்கம் பக்கத்தில் உள்ள மக்களும் பக்தியால் வருகிறார்கள். அந்த விவசாயியின் வாரிசுகளும் பெருந்தன்மையோடு அனுமதிக்கிறார்கள். திடீரென ஒரு நாள் பூத உடல், மரு வைத்த கன்னம், கெடா மீசை, இருபது அடியாளோடு ஒருவன் வந்து கோயிலில் இனி எல்லாம் என் சொற்படிதான் நடக்கவேண்டும் என்ற உத்தரவை தொடர்ந்து சாமி கும்பிட, வண்டி நிறுத்த, பிரசாதம் வாங்க என எல்லாவற்றிற்கும் டோக்கன் போட்டு வசூல் வேட்டை ஜோராக நடக்கிறது. இந்த கொள்ளையை கோயில் நிர்வாகம் என்று கணக்குக்காட்டி அதற்கும் கோயில் பணம் சுரண்டப்படுகிறது. கோயில் சொத்துக்களும் கொஞ்சம் கொஞ்சமாக அந்த ஆசாமியின் சொந்த செலவுக்கு பயன்படுத்தப்படுகிறது. மேலும் கோயிலை சீரமைக்கிறேன் என்று முன்னோர்களின் நினைவாலயத்தை இடித்து மாடர்ன் கட்டிடம் கட்டுகிறான். கோயில் வளாகத்தில் கோயில் பணத்தில் கறி சாராயம் என கூத்து நடக்கிறது. அவர்களின் வழிபாட்டு முறைகளை மாற்றி நான் சொல்வது போலத்தான் பூசைகள், சம்பிரதாயங்கள் நடக்கணும் என்று உத்தரவு போடப்படுகிறது. பாவம், வறட்சி கால விவசாயம் செய்தே வத்திப்போய், தங்கள் உரிமைகள் என்ன வென்று அறியாத அந்த ஏழை குடியானவனின் வாரிசுகள் இயலாமையால் வெறுமனே வேடிக்கை பார்த்து தங்கள் சாமியை காண டிக்கெட் வாங்க வரிசையில் நிற்கிறார்கள்..

இப்படி நடந்தால் எப்படி இருக்கும்..? இதுதான் இப்போது பெரும்பாலான கோயில்களில் நடக்கிறது. அந்த ஆசாமி, நம்ம தமிழ்நாடு ஹிந்து சமய அறநிலையாத்துறை தான்.. ஆமை புகுந்த வீடும்; அமீனா புகுந்த வீடும்; அறநிலையதுறை புகுந்த கோயிலும் உருப்படாது.. நேரடியாக பல கோயில்களில் கண்ட உண்மை..

இந்த அறம் அழிந்த துறை பற்றிய சிறு புத்தகம் இங்கே சொடுக்கவும்
http://www.mediafire.com/download/j2fivj36ms6fpk6/HR%26CE-Exposed.pdf

கொங்கதேச கோயில்களில் அறமற்ற துறையின் அக்கிரமங்கள் குறித்த சில கட்டுரைகள் லிங்க்,

நசியனூர்: அறநிலையத் துறையின் அராஜக கோயில் சிதைப்புகள்

http://www.tamilhindu.com/2012/04/nasiyanur-temple-misdeeds-by-tamilnadu-hr-and-ce-board/

ஈரோடு விஜயமங்கலம் கோவில்: அறநிலையத்துறை & திருப்பணி கொடுமைகள்

http://www.tamilhindu.com/2012/07/vijayamangalam-temple-issue/

ஆலயச் சிற்பங்களைச் சிதைக்கும் அறநிலையத்துறை

http://www.tamilhindu.com/2011/02/sand-blasting-in-temples/

தமிழ்நாடு இந்துசமய அறநிலையத் துறையினரின் பகற்கொள்ளை

http://www.tamilhindu.com/2012/08/broad-daylight-robbery-committed-by-the-tamilnadu-hr-ce-department/

இடிக்கப் படும் புராதனக் கோயில்கள்: ஒரு கூட்டு அராஜகம்

http://www.tamilhindu.com/2013/10/ancient-temples-routiney-defaced-in-tn/

அறமற்ற துறையின் கீழ் சீரழியும் பழனி முருகன் கோவில் நிர்வாகம்! பாகம் 1

அறமற்ற துறையின் கீழ் சீரழியும் பழனி முருகன் கோவில் நிர்வாகம்! பாகம் 2

காளமங்கலம் கோயில் அக்கிரமங்கள்
http://www.vijayvaani.com/ArticleDisplay.aspx?aid=2847

சேவூர் வாலீஸ்வரர் கோயில் அக்கிரமங்கள்
http://sevurwar3.blogspot.in/search/label/%E0%AE%9A%E0%AF%87%E0%AE%B5%E0%AF%82%E0%AE%B0%E0%AF%8D%20%E0%AE%AA%E0%AF%8B%E0%AE%B0%E0%AF%8D

குல தெய்வ கோவில் நிர்வாகத்தில் இளம் தலைமுறையினர் ஈடுபாடு காட்ட துவங்க வேண்டும். அதற்கு நாம் நம் கோவில்களுக்கு அடிக்கடி செல்ல வேண்டும், நிர்வாகிகளோடு தொடர்பு ஏற்படுத்திக்கொள்ள வேண்டும். கோவிலில் மூன்று முக்கிய பிரச்சனைகள் தற்போது வளர துவங்கியுள்ளது.

௧. அறநிலையத்துறை கோவில்களை ஆக்கிரமிப்பு செய்து, பரம்பரை காணியாளர்களை ஓரம் கட்டுகிறது. கோவில் சொத்துக்களும் அபகறிக்கபடும். கோவிலின் பாரம்பரிய நடைமுறைகள் மாற்றப்படும்.

௨. நம் கொங்கு பகுதியில் மக்கள்தொகையில் வளர்ந்துவரும் சில சாதிகள் நம் கோவில்களை உரிமை கொண்டாடி கைப்பற்ற முற்படுகிறார்கள்.

௩.பண்ணாட்டு அளவிலான கோவில் ஜிகாத் கும்பல் நம் பாரம்பரியம் கலாசாரத்தை அழிக்க நம் கோவில்களை இடித்து கட்ட தூண்டுகிறார்கள். பணக்கார நம்மவர்கள் தங்கள் புகழை வளர்த்து கொள்ள அவர்களின் சூது தெரியாமல் கோவில் மற்றும் சிலைகளை அழித்து விடுகிறார்கள். இடித்து கட்டும் பிரம்மாண்டம் கட்டடமாக இருக்குமே ஒழிய ஆகமங்கள் இன்றி இருக்கும் அதில் இறைசக்தி இராது.

நம் காணியாச்சி தெய்வங்கள் காளி வடிவம். கோவிலில் இதுபோன்ற அரஜாகம் செய்பவர்கள் வம்சத்தையே வேரோடு அழித்து விடும் என்பது ஒரு புறம இருந்தாலும், காணியாளர்களாகிய நாம் அதற்க்கு எந்த எதிர்ப்போ-நடவடிக்கையோ எடுக்காமல் இருந்தால் அந்த பாவம் நம்மையும் சேரும்.